D

 

Da amice e pariènte nun ce accattà e nun ce vènnere niente

(Da amici e parenti non acquistare e non vendere niente)

 

D'abbrile, ogne gòccia 'nu varrìle

(Ad Aprile ogni goccia un barile)

 

D' 'a brutta gente vìdene 'a fine

(Dalla cattiva gente vedine la fine)

 

Da 'a faccia se vede 'o core

(Dalla faccia si vede il cuore)

 

Da 'a matìna se canosce 'o buon giorno

(Dalla mattina si riconosce il buon giorno)

 

Da ccà a dimàne nàsceno ciènto pape

(Da oggi a domani nascono cento Papi)

 

Da l'azione se canosce l'ommo

(Dalle azioni si riconoscono gli uomini)

 

Dà 'na botta a 'o chìrchio e 'n'àta a 'o tumpàgno

(Dai una botta al cerchio e un'altra alla porta della botte)

 

Da 'nu malo pavatore scìppa chello che può!

(Da un cattivo pagatore prendi quello che puoi)

 

Da 'o chianchière truòve sempe 'n'uosso

(Dal macellaio trovi sempre un osso)

 

Da 'o Cielo vene 'o bbene

(Dal Cielo viene il bene)

 

D' 'a rrobba mal'acquistata nisciuno se nne vede bene

(Delle cose rubate nessuno ne beneficia)

 

Da tre cose arràssate: da monaco ammantato, da giudeo accusato, da surdato affamato

(Da tre cose stai attento: da monaco silenzioso, da ebreo accusato, da soldato affamato)

 

Ddòje noce 'int' 'a 'nu sacco nun fanno remmòre

(Due noci in un sacco non fanno rumore)

 

D' 'e denare d' 'o carucchiàro se nne vede bene 'u sciampagnone

(Dei soldi dell'avaro ne gode lo scialacquone)

 

De fèmmene oneste una sola 'nce ne stèva e addeventàje Madonna!

(Di donne oneste ce ne era una sola e diventò Madonna)

 

D' 'e galline è meglia 'a nera, d' 'e papere 'a pardiglia e d' 'e femmene 'a piccerella.

(Fra le galline la migliore è la nera, delle papere la grigia e fra le donne la piccolina)

 

Denare de juoco, comme veneno accussì se nne vanno.

(Denaro di gioco, come vengono così se ne va)

 

Denaro 'e stola, sciòscia ca vola!

(Denaro di stola, soffia che vola)

 

Dice 'a vammana quann'esce 'a matina: Ave Maria, grazia plena, 'e cummarelle mèje so' tutte prene!

(Dice la levatrice quando esce il mattino: Ave Maria, grazia plena, le mie commari sono tutte incinte)

 

Dicette 'a figliola... quann' 'o verètte: Uhè, che bellu capitone senza rècchie!

(Disse la ragazza... quando lo vie: Uhè, che bel capitone senza orecchie!)

 

Dicette 'a Morte: se 'nCatania vàje, 'nCatania vengo!

(Disse la morte: se a Catania vai, a Catania vengo!)

 

Dicètte 'a vecchia cu' 'a bona memoria: tànno è estate quann'è Sant'Antonio.

(Disse la vecchia con una buona memoria: allora è estate quando è Sant'Antonio)

 

Dicètte 'a vecchia: scapuljàto marzo, campo 'n'ato anno.

(Disse la vecchia: scampato marzo, vivo un altro anno)

 

Dicètte don Camillo: guarda 'a mamma e piglia 'a figlia!

(Disse don Camillo: guarda la mamma e prendi la figlia!)

 

Dicètte 'a serpe: nun me tuccà, ca nun te tocco!

(Disse il serpente: non toccarmi, che non ti tocco!)

 

Dicètte mast'Unurato, l'ommo spusato a fune s'è attaccato.

(Disse mastro Onorato: l'uomo sposato alla fune si è legato)

 

Dicètte 'o ciuccio a 'o cavallo: cumpagno, t'aspetto a 'a sagliuta!

(Disse il somaro al cavallo: compagno, ti aspetto nella salita!)

 

Dicètte 'o ciuccio: si arrivo a ascì 'a miezo a 'sti botte, nun esco cchiù a cacà 'e notte!

(Disse l'asino: se riesco ad uscire da queste botte, non esco più a defecare di notte!)

 

Dicètte 'o vòje sott' 'o traino: vèvo l'acqua e porto 'o vino!

(Disse il bue sotto al traino: bevo l'acqua e porto il vino!)

 

Dicètte 'o mulo a 'o patrone: chist'è 'o passo e portame addò vuò.

(Disse il mulo al padrone: questo è il passo e portami dove vuoi)

 

Dicètte 'o pappavallo: chi vo' campà felice vede 'o stuòrto e nun 'o ddice.   

(Disse il pappagallo: chi vuol vivere felice vede le cose storte e non parla)

 

Dicètte 'o prèvete: sia fatta 'a vuluntà 'e Ddio e s'ammuccàje 'na zeppola.

(Disse il prete. sia fatta la volontà di Dio e si mangiò una zeppola)

 

Dicètte 'o ràncio 'nfaccia o figlio: tiène 'e cosce storte!

(Disse il granchio al figlio: hai le gambe storte!)

 

Dicètte 'o vòje a 'o ciuccio: curnuto!

(Disse il bue all'asino: cornuto!) 

 

Dicètte 'o zuòppo: sul'io 'nce refunnette 'na gamma!

(Disse lo zoppo: solo io ci rimisi una gamba!)

 

Dicètte Pullecenèlla: 'a ccà me trase e pe' culo m'esce!

(Disse Pulcinella: da qui mi entra e per il sedere mi esce!)

 

Dicètte Pullecenèlla: armàmmece e.. ghjàte!

(Disse Pulcinella: armiamoci e... andate!)

 

Dicètte San Biase: 'vierno o' trase.

(Disse san Biagio: inverno adesso entra)

 

Dimme a chi si' figlio e te dico a chi assumiglie.

(Dimmi a chi sei figlio e ti dico a chi somigli)

 

Dimme cu' chi vàje e te dico che fàje.

(Dimmi con chi vai e ti dico che fai)

 

Dint' 'o vino 'nce sta 'a verità.

(Nel vino c'è la verità)

 

Dio è lungarièllo ma no scurdarièllo.

(Dio si fa attendere ma non dimentica)

 

Dio ne libbera da acqua, da viento e da muònece for' 'o cunviente.

(Dio liberaci dalla pioggia, dal vento e dai monaci fuori dal convento)

 

Dòje femmene e 'na pàpara arrevutajeno Napule!

(Due donne e una papera rivoltarono Napoli)

 

Doppo ca so' scappate 'e vuòje se 'nzerra 'a stalla.

(Dopo che sono scappati i buoi si chiude la stalla)

 

Doppo arrubato 'e porte 'e fierro!

(Dopo il furto le porte di ferro)

 

Doppo 'e cunfiètte vèneno 'e defiètte.

(Dopo i confetti vengono i difetti)

 

Doppo Natale, friddo e famme.

(Dopo Natale, freddo e fame)

 

Doppo pèrze 'e vvacche, vàje truvànno 'e ccorne.

(Dopo perso le mucche, vai cercando le corna)

 

Duorme capitò, ca te scite a Natale!

(Dormi capitone, che ti svegli a Natale!)